Юлія Новік нарадзілася 1 студзеня 1985 года ў горадзе шахцёраў Салігорску Менскае вобласьці. Друкавацца пачала ў школьным узросьце.  

Пасьля заканчэньня Салігорскае Гімназіі паступіла ў Менскі Дзяржаўны Лінгвістычны Унівэрсытэт, факультэт міжкультурных камунікацый, дзе акрамя асноўных дысцыплін і агульных прадмэтаў вывучала французскую, ангельскую і нямецкую мовы, а таксама турызм.  

Пасьля заканчэньня ўнівэрсытэта працуе ў Менску. Цікавіцца перакладамі і рэклямай, актыўна ўдзельнічае ў літаратурных мерапрыемствах.  

Юлія Новік – аўтарка цудоўнага зборніка вершаў “Сонца за тэрыконамі”, які выйшаў у 2007 годзе ў выдавецтве “Мастацкая літаратура”. Сымвал першае кніжкі – сонца, якое ўзыходзіць.  

Спрабуе пісаць вершы на французскай мове. Таксама мае шэраг публікацыяў – вершаў, артыкулаў і замалёвак – у часопісах “Полымя”, “Маладосьць”, “Вожык”, газэтах “ЛіМ”, “Раніца”, “Голас Радзімы” і іншых.  

http://julienovik.unblog.fr  - блог на unblog.fr

http://lorenay.livejournal.com  - блог на livejournal.com

Таксама піша матэр'ялы для гэтага сайта:

7.XII.2009. «Філасофія арыгінальнасці» - рэцэнзія на кнігу вершаў Аксаны Спрынчан «ЖываЯ».

14.XII.2009. Фотарэпартаж з руінаў палацу Сапегаў у вёсцы Гальшаны (Гродненская вобласьць).

24.XII.2009. Інтэрв'ю зь піяністамі Юліяй Архангельскай і Аляксандрам Паляковым.

22.III.2010. Гутарка зь піяністкай Марыяй Войцык.

22.IV.2010. Інтэрв'ю з кампазытарам Ларысай Сімаковіч.

11.V.2010. Інтэрв'ю зь Мюрам Фарыдовічам.

28.VI.2010. Фотаэкскурсія на выставу скульптур “Бранзаслоўе”.

9.VII.2010. Фотарэпартаж з Вязынкі – з дня народзінаў Янкі Купалы.

25.VII.2010. Інтэрв’ю з арганізатарам выставы скульптур “Бранзаслоўе” – Паўлам Вайніцкім.