выпадковая цытата

20/01/2010

МІТУСЬНЯ КАЛЯРОВЫХ ДЗЁН
30 студзеня (субота) на малой сцэне Купалаўскага Тэатра адбудзецца канцэрт вядомага паэта і выканаўцы ўласных песень Алеся Камоцкага «Мітусьня каляровых дзён» (сустрэча зь песьнямі).

Пачатак у 19.00. Уваход па квітках.
Спосаб набыцьця квіткоў толькі адзін – патэлефанаваць +37529 2532504 і набыць, і ніяк іначай.

11/01/2010

АРТЫКУЛ
26 сьнежня 2009 года ў рэдакцыі часопіса “Дзеяслоў” былі падведзеныя вынікі конкурса літаратурна-крытычных твораў на тэму “Беларуская літаратура ХХІ стагоддзя: постаці, тэндэнцыі, перспектывы”. Быў уганараваны пераможца, праведзеныя майстар-клясы вядомымі літаратарамі, крытыкамі.

Ася Паплаўская ўдзельнічала ў гэтым мерапрыемстве і падрыхтавала для нашага сайта артыкул «Ірына Шаўлякова пра сучасны стан літаратуразнаўства і крытыкі», ў якім літаратурны крытык, літаратуразнаўца Ірына Шаўлякова акрэсьлiла ў найбольш агульных рысах тыя пункты, празь якiя сёньня, на яе думку, пралягае “дэмаркацыйная лiнiя” памiж літаратуразнаўствам і крытыкай.

03/01/2010

ПРЭЗЕНТАЦЫЯ ПЕРШАГА НУМАРУ НОВАГА ЛІТАРАТУРНА - МАСТАЦКАГА ЧАСОПІСА "ВЕРАСЕНЬ".
7 студзеня (чацвер) ў Калядны вечар у будынку касцёла святых Сымона і Алены (пл.Незалежнасці, 5), а 18 гадзіне адбудзецца прэзентацыя першага нумару новага літаратурна-мастацкага часопіса “Верасень”.
У імпрэзе бяруць удзел Рыгор Барадулін, Анатоль Вярцінскі, Леанід Дайнека, Алег Трусаў, Уладзімір Някляеў, Леанід Дранько-Майсюк, Рыгор Сітніца, Барыс Пятровіч, Настасся Кухарэнка, Віталь Рыжкоў, Наста Кудасава, Воля Чайкоўская, Лізавета Дамініка Панамарова…

Сваімі спевамі калядны вечар упрыгожаць Эдуард Акулін, Таццяна Беланогая,
Алеся Сівохіна і народны вакальны гурт “Пліса” пад кіраўніцтвам Кастуся Герашчанкі.
На Каляды гасцям рады! Калі Беларусь шануеце, прыходзьце – не пашкадуеце!

Вядучы вечарыны – паэт і бард Эдуард Акулін.

Уваход вольны.

http://budzma.org/budzma/shchodry-vyechar.htm

31/12/2009

ІНТЭРВ’Ю ЗЬ ПІЯНІСТАМІ
17 сьнежня ў Малой залі імя Р.Шырмы Беларускай Дзяржаўнай Філярмоніі адбыўся незвычайны канцэрт фартэпіяннай музыкі – “Калядны феерверк”.
Пасьля канцэрту Юлія Новік узяла інтэрв’ю ў дзьвюх удзельнікаў гэтага канцэрту – Юліі Архангельскай і Аляксандра Палякова: «Калі мы граем, мы забываемся на ўсё», у якім выканаўцы распавялі аб канцэрце, аб сваёй працы, аб сваіх музычных захапленьнях, пра свае міжнародныя выступленьні ў Францыі й Фінляндыі.