Сапраўднае імя Вікі Трэнас – Вікторыя Ляйкоўская. Яна нарадзілася ў 1984 годзе ў Менску.  

Скончыла філялагічны факультэт Беларускага Дзяржаўнага Ўнівэрсытэта (беларускае аддзяленьне, 2007), вывучала філязофію і літаратуру ў Беларускім Калегіюме.  

Цяпер працуе рэдактарам аддзела паэзіі часопіса “Маладосць”. Піша на беларускай і рускай мовах.  

Зь вершамі, эсэістыкай, літаратурнай крытыкай выступае ў пэрыёдыцы з 2000 г. Зьяўляецца літаратурным аглядальнікам інтэрнэт-выданьня “Новая Эўропа”, супрацоўнічае з часопісамі “Паміж”, “pARTisan”, “Тэксты”.

У цяперашні час актыўна займаецца арганізатарскай і мэнэджэрскай дзейнасьцю: супольна з паэткай Юліяй Новік ажыцьцяўляе доўгатэрміновыя літаратурна-мастацкія праэкты “Выявы”, “Францыя ў сэрцы Беларусі”, праводзіць фэстывалі, конкурсы, майстар-клясы, канцэрты, выставы, творчыя сустрэчы-дыскусіі, разнастайныя імпрэзы пры дапамозе і з удзелам маладых актуальных беларускіх пісьменьнікаў, музыкантаў, мастакоў.  

В. Трэнас – аўтарка паэтычных кніг “Цуд канфіскаванага дзяцінства” (Менск, "Логвінаў", 2005), “Экзістэнцыйны пэйзаж” (Менск, "Галіяфы", 2008). Творы перакладаліся на рускую, нямецкую, балгарскую, швэдскую і французскую мовы.

Блог Вікі Трэнас: http://vika-trenas.livejournal.com/

E-mail: trenas007@gmail.com

Зьміцер Вішнёў пра Віку Трэнас: "Дзяўчынка са свістком"

Рыгор Барадулін пра зборнік вершаў "Экзістэнцыйны пэйзаж: "Дыктант"