|
|
Ніл Гілевіч
ЗБОРНІКІ:
|
«Незалежнасьць»
зборнік вершаў 1991
Вершы. Менск. 1991.
У кнігу народнага паэта Беларусі Ніла Гілевіча ўвайшлі творы ярка выражанага грамадскага гучаньня, напісаныя ім пераважна за апошнія два гады, а таксама некалькі даўніх вершаў, якія захоўваліся ў архіве аўтара і ў пэрыядычным друку не публікаваліся.
арыгінальны зьмест
|
|
«На высокім алтары»
зборнік вершаў 1994
Новая кніга паэзіі. Менск. “Мастацкая літаратура”. 1994.
Свае думкі і адчуваньні, народжаныя складаным жыцьцём сучаснага грамадства, прыносіць народны паэт Беларусі Ніл Гілевіч на высокі алтар паэзіі. Боль і гнеў, вера і надзея, каханьне і захапленьне, пяшчота і замілаваньне, туга і расчараваньне – увесь спэктар абвостраных пачуцьцяў адбіваецца ў лірычных, філязофскіх і публіцыстычных вершах, уключаных у яго новую кнігу.
арыгінальны зьмест
|
|
«Талісман»
зборнік вершаў 1994
Вершы. Публіцыстыка. Менск. Выдавецкі цэнтар «Бацькаўшчына». 1994.
Кнігу народнага паэта Беларусі Ніла Гілевіча склалі прасякнутыя страснай верай у Адраджэньне паэтычныя і публіцыстычныя творы, у якіх у працяг традыцый вялікага Купалы адстойваецца годнасьць народа перад ворагамі Беларушчыны.
арыгінальны зьмест
|
|
«Любоў прасьветлая»
зборнік вершаў 1996
Роздумы ў вершах і прозе аб роднай мове. Лірыка-публіцыстычная хроніка: 1947–1995. Менск. “Навука і тэхніка”. 1996.
Кніга народнага паэта Беларусі, заслужанага дзеяча навукі, прафэсара Н. С. Гілевіча пісалася амаль паўстагодзьдзя. Яна ня толькі ярка выяўляе яго сыноўнюю любоў да роднай мовы, яго грамадзянскую заклапочанасьць яе лёсам. У кнізе – назіраньні, думкі і высновы аўтара па такіх праблемах, як мова і дзяржава, мова і гістарычны лёс народа, мова і асоба чалавека, мова і нацыяльная культура, мова і школа, мова гутарковая і літаратурная, мова як рабочы інструмэнт пісьменьніка і інш.
Разьлічана на шырокае кола чытачоў.
арыгінальны зьмест
|
|
«Паланэз Агінскага»
зборнік вершаў 2002
Лірыка. Паэмы. 1996-2002. Маладэчна. Бібліятэчка часопіса «Куфэрак Віленшчыны» (№6). 2002.
Усе вершы і паэмы, якія склалі гэты не зусім звычайны зборнік, публікаваліся, адразу ж па напісаньні, на старонках беларускіх пэрыядычных выданьняў. Пра што яны? Пра тое, што іх аўтару, народнаму паэту Беларусі, наймацьней балела і баліць, што было і ёсьць адзнакай яго грамадзянскай пазыцыі і асновай яго творчага крэда.
арыгінальны зьмест
|
|
«У ноч на Пакровы»
зборнік вершаў 2008
Новыя вершы. Менск. “Кнігазбор”. 2008. (Бібліятэчка часопіса «Куфэрак Віленшчыны», № 12).
Новая кніга паэзіі Ніла Гілевіча «У ноч на Пакровы» – працяг той неспакойнай размовы, якую паэт вядзе з чытачамі не адзін дзесятак гадоў. Галоўны балючы нэрв размовы – па ранейшаму лёс Беларусі, беларускай мовы і культуры.
арыгінальны зьмест
|
|
«Замова ад страху»
зборнік вершаў 2009
Новая кніга паэзіі. Менск. "Медысонт". (Бібліятэчка часопісу "Дзеяслоў", вып. 12). 2009.
Новую кнігу народнага паэта Беларусі Ніла Гілевіча “Замова ад страху” складаюць лірычныя і ліра-эпічныя творы рознага кшталту і розных, ня толькі самых апошніх, гадоў. Усе яны друкаваліся, па меры напісаньня, у часопісах і газэтах, але ў ранейшыя зборнікі аўтара не ўваходзілі.
арыгінальны зьмест
|
|
|
|