Безь цябе ўсе мае дні –

            глухія і будныя.

Хоць надзею пакінула б

            ты мне на сьвята.

Безь цябе ўсе вятры –

            колкія і паўночныя.

Хоць адзін зь іх

            дыханьнем сваім ты сагрэла б.

Безь цябе ўсе дажджы –

            шэрыя і маркотныя.

Хоць адзін зь іх

            ты апаясала б вясёлкай.

Безь цябе

            ўсе дарогі вядуць на выгнаньне.

Хоць бы нітку дала мне

            з клубка Арыядны.

Безь цябе

            мае песьні адлятаюць у вырай,

I ня знаю,

            вяртаньня іх ці дачакаюся.