Зьміцер Арцюх нарадзіўся 2 сакавіка 1978 года ў вёсцы Рутка Навагрудскага раёна. У 1995 годзе скончыў Ваўковіцкую сярэднюю школу. Падчас вучобы працаваў над школьнай насьценгазэтай "Жыве Беларусь!", якую стварыў настаўнік і самадзейны кампазытар Гродзеншчыны Мікалай Балай.

З 1990 года пачаў друкавацца ў раёнцы зь літаратурнымі й журналісцкімі матэрыяламі. Першы верш "У лесе" быў напісаны з дапамогай Мікалая Балая ў 1992 годзе. Адразу ж пасьля заканчэньня школы паступіў у Менскі Пэдагагічны Каледж імя Максіма Танка. У 1998-ым атрымаў спэцыяльнасьць: настаўнік беларускай мовы і літаратуры, кіраўнік дзіцячай тэатральнай студыі. Быў рэдактарам газэты навучэнцаў педкаледжа "Крылы", якая друкавалася на старонках "Настаўніцкай газеты" і насьценнай газэты "Наша слова". Пачаў супрацоўнічаць з кампазытарам Уладзімерам Сарокіным і ансамблем "Сябры", Алесяй, Ірынай Дарафеевай.  

У 2003 годзе скончыў факультэт журналістыкі Беларускага Дзяржаўнага Ўнівэрсітэта (кафедра радыё і тэлебачаньня). Працаваў на Беларускім радыё і Беларускім тэлебачаньні. Друкаваўся ў газэтах і часопісах, калектыўных зборніках "Літаратурны квартал", "Дзень паэзіі", "Свет на дваіх". Быў аўтарам рубрык "Моладзь ідзе" ("ЛіМ"), "Паэтычны чацвер" ("Голас Радзімы"), "Максіма маладых" ("Культура"), "Паэтычны букет" ("Промышленная безопасность").  

З 2002 па 2006 год Зьміцер Арцюх з'яўляўся сябрам суполкі маладых творцаў "Літаратурнае прадмесце".

Аўтар кнігі вершаў "Вясна ў кароткім паліто..." (2006 год, "Мастацкая літаратура"). Некалькі вершаў перакладзены на балгарскую мову.  

З ліпеня 2005-га працаваў старшым карэспандэнтам у часопісе "Промышленная безопасность".

Аўтар сцэнара дакумэнтальнага фільма "Навагрудская Галгофа" (2009 год, Інфармацыйнае агенцтва Беларускай Праваслаўнай Царквы). Некалькі вершаў перакладзены на балгарскую і рускую мовы.

Зь лютага 2010-га працуе тэлежурналістам у амэрыканскім дабрачынным фондзе "The Saviour" ("Спас", Нью-Йорк), зьяўляецца кіраўніком беларускай здымачнай групы. Аўтар тэленарысаў (на рускай і ангельскай мовах): "Желание жить" (2009), "Обреченная на инвалидность" (2009), "Нерассказанная история" (2009), "Где храм – там надежда" (2009), "Иордан на Брайтоне" (2010), "Я встал и пришел" (2010), "Настоящие родители" (2010), "Благословение" (2010), "Дипломаты мира" (2010), а таксама дакумэнтальнага сэрыяла "По имени Детство" і публіцыстычнага фільма "Чистый мир", якія зараз здымаюцца.

http://art-s.by/udelniki-zmiter-artsuh.html