Канцэрты Марыі праходзілі ў канцэртных залях Нямеччыны, Аўстрыі, Польшчы. Яна выпускніца Музычнага Унівэрсытэта імя Ф.Шапэна ў Варшаве (Польшча), а зараз зьяўляецца аспіранткай гэтай навучальнай установы. Марыя Войцык праходзіла стажыроўку у Вышэйшай школе Мюнхена, удзельнічала ў міжнародных фэстывалях і майстар-клясах пад кіраўніцтвам знаных музыкантаў Дж. О’Коннара (Ірляндыя), М.Хьюза (Англія), Л.Бермана (Расея-Італія) і іншых.
12 сакавіка 2010 г. наведала Менск і удзельнічала ў вечары фартэпіяннай музыкі “Натхненне”, прысвечанага 200-годдзю з дня нараджэння Ф.Шапэна, які праходзіў на сцэне Малой залы ім. Р.Шырмы Белдзяржфілармоніі. Таксама ў гэтым вечары брала ўдзел беларуская піяністаі Эльміра Сейфулаева. Мерапрыемства было арганізавана пры падтрымцы Інстытута Польскага ў Менску ў межах праэкта Аляксандра Палякова Pianofest і выклікала сапраўдны аншлаг.