У мяне ёсьць прыгожая песьня  

Аб дзяўчыне прыгожай адной.  

Гэтай песьні ў грудзёх маіх цесна.  

У гэтай песьні ёсьць слова адно‚  

Даражэйшае за чырвонцы‚  

Ласкавейшае за сон  

І цяплейшае за сонца...  

У гэтым слове срэбра звон.  

Я ня ўмею сьпяваць тую песьню‚  

За мяне хай сьпявае вясна.  

Жыць мне стала на сьвеце ня цесна:  

Ёсьць на сьвеце дзяўчына адна‚  

Даражэйшая за чырвонцы‚  

Ласкавейшая за сон‚  

І цяплейшая за сонца...  

Не дзяўчына - срэбра звон.  

Я ня ў сілах назваць яе імя‚  

За яе і ў агонь бы пабег.  

Яе імя з усімі сьвятымі‚  

Яе імя... кахаю цябе‚  

Даражэйшая за чырвонцы‚  

Ласкавейшая за сон  

І цяплейшая за сонца...  

О‚ нямоўкны срэбра звон!