Крыжы і кроў-людзкое семя‚  

Як хлеб‚ сьвятло‚ - штодзённы дар...  

Народжаны у Віфлееме‚  

Збавіцель наш і Уладар‚  

Як паміраючы бяз хлеба  

Аб хлебе‚ буду паўтараць -  

Зыйдзі яшчэ адзін раз зь неба  

Не навучаць‚ зыйдзі караць.  

Адамаў род ня верыць цуду‚  

Аслова праўды не кажы.  

І мы‚ як Ты‚ па волі Юды  

Пакуты зносім на крыжы.  

Зыйдзі‚ зьбяры раскрыжаваных‚  

Вядзі ў сьвяты‚ апошні бой.  

Нябожчыкі зь зямлі устануць  

І пойдуць з намі за Табой.