Чым спрычынена расправа?

З-за чаго мінтрэга?

«Абязгрошыла дзяржава!

Эканоміць трэба!»

Ну, вадома! Ну, канешне!

Хоць банкуем вёртка –

Дзе ж тых грошай набярэсься?

Вось і стала пёрдка!

Грошы зьбеглі на будоўлю

лядовых палацаў.

А астатак – на гадоўлю

блазнаў і паяцаў.

Нават у Джымбабвабуры –

голым і галодным –

Інстытут літаратуры

лічыцца галоўным.

Дык яно і зразумела:

знаюць, папуасы,

што бяз Слова маса цела

роўна целу масы.

Гэту формулу скумекаць

мы йшчэ не гатовы.

Лепей будзем бэкаць-мэкаць

без душы і мовы.