Цішыня – апазыцыя гукам

і маўчаньне ў адказ на словы –

дазваляе музыкай Глюка

заслухоўвацца адмыслова.

Цішыня напаўняе хаты

ў час народзін, парой зыходу.

Цішыня – гэтаксама краты,

за якімі прагнудь Свабоды.

Вадаспады пачуцьцяў сьмелых

і крыніцы болю й жаданьня

адбіваюць у водах белых

чысты вобраз майго каханьня.

Увайдзі ж у скляпеньні духу,

цішыня, апануй жаданьні,

утаймуй мае жаль і скруху,

пераняўшы іх на зьмярканьні.