Ідуць у мясарубку калонаю дні,

Гляджу Амелі, а ўвечары плачу.

Ад плачу пагана і гідка ў грудзі.

Гляджу Амелі, а нічога не бачу!

Замоўк тэлефон, астывае гарбата,

На вуліцы трупы нэрвова дрыжаць.

Кумір назаўсёды - Вусатая Ната

А антыкуміра патрэбна шукаць.

Партвэйн на цельнік праліты ўчора,

Напэўна прыдзецца той цельнік сьцяраць.

Вусатая Ната мне зыча быць вартым,

Бутэлька пад ложкам мне зыча бухаць.

І хай! Відавочна нічога не вернеш,

Я лягу пад плотам, засну пад кустом.

І зайздрасьць да Наты, як зайздрасьць да Генюш,

Прап'ю як машыну, жанчыну і дом!