Я баюся маркоты, чуеш?

Спрабую забыцца сном.

Гэта золата ці толькі кукіш?

Гэта праўда ці крыўда зноў?

Травамі соннымі зельле

Варыш. Ці для мяне?

Я ў сьнезе, у сьне, у кельлі.

Я шукаю, ты дзе? - Нідзе!

Я ляжу на асфальце сена,

Ты бачыш? Напэўна так.

З ломкаю рук, ног, венаў,

Думак, парадкаў, крат.

Я ляжу абрастаючы скрыдлам,

Вось. Як табе я такі?

Храк п'яны і падрапаны рылам,

Ашалелы, гідкі, дурны.

Нож бяры! Параўняй маё цела.

Толькі трошку! Крыху! Ледзь-ледзь.

Ручку, ножку і справа, і зьлева,

На што цяжка трываць і глядзець.

Пачастуй мухаморчыкам, можна.

Нашапчы мне, парай, растлумач:

Як кахаць, цалаваць асьцярожна,

Разьмяркуй, падпішы, прыназнач.

А лепей забі! Рана ранкам.

У сьне. Калі буду сьляпы.

Без агіды, гульні, без падману.

Забі! Закапай! Адпачні!