Пагардлівая поза,

Трымаю рукі ў бокі.

Я быў такім як трэба,

Я быў такім як богі!

Мне моц зацяла розум,  

Мне розум сьніцца ноччу!

Забіла хітрасьць вочы!

Хітрыць надзвычай хочу!

Відэліц б'е талерку,  

Дрыжыць нэрвова голас!

Я быў высокім, поўным!

Як дуб, як добры колас.

Любіў паесьці добра,  

Любіў напіцца з пляшкі

Я быў прыдворным прынцам!

Магутным, хітрым, важкім!

Я быў надзвычай добрым,

Наступствы ўсё ня скемлю!

Зь якой такой халеры,

Забраўся бошкай ў петлю?

Адкінуў крэсла пяткай,  

Зь якой такой халеры

Я быў такім як трэба -

Не даставала веры.