Рукі ў полымя, сэрца ў погрыбы.

На гарышчы золата схована.

Спробы радасьці, спробы голаду:

Ты сядзіш, як сьлед, запалохана.

Жах на вачах, за вакном - зіма,

Я як зьвер гуляю па дошчачках.

Ты была са мной, а цяпер адна,

Вось мой ножык, ты бачыш мой ножычак?

Рукі дрыжаць, сьлёзы на твары,

Касмэтыка сьцежкай сьцякае на грудзь.

Карчма дагарае, з'ядаюць пажары,

І людзі, і грошы цяпер прамінуць.

Я злы і мой позірк надзвычай шалёны,

Зрабіўся злачынцам, ліхі чалавек.

Твой позірк сухі і твой водар салёны,

Мой нож, мая злоба, мой грэх!

Я гляджу на цябе, усьміхаюся шчыра,

А ты ад напружаньня белая ўся.

Ты проста хацела багацьця і міру,

Я ж проста хачу на вячэру жыцьця!