Гудам-звонам срэбна-медным
Звоняць звоны на званіцы.
Звоняць звоны ў час дзяньніцы,
Надвячэр’ем ясна-бледным...
Якуб Колас
Родныя вобразы
уваход      рэгiстрацыя
 
  ГАЛОЎНАЯ     АРХАІЧНАСЬЦЬ     ЖЫВАПІС     ДПМ     ВЕРШЫ     ЛІТАРАТУРА     БІЯГРАФІІ     ФОРУМ     СПАСЫЛКІ  
пошук

  
Тлумачальны Слоўнік

ЗАПЯІ МНЕ ПЕСЬНЮ

Запяі мне песьню не зь мяшчанскіх вулак,

      не зь вялікіх сцэнаў, не з эстрад,

запяі мне тую, што я сэрцам чула,

      калі асыпаўся белы сад.

Запяі мне тую, што пяяла няня

      над калыскай, доўга не сплючы,

ці аб безнадзейным маладых каханьні,

      што трывожыць сэрца уначы.

Не хачу навінаў з шырокага сьвету –

      пуста майму сэрцу, цесна ў ём,

можа помніш песьню, што пяяла летам

      маладая жнейка за сярпом.

Ці мо’ помніш тую, аб ліхім прыгоне,

      з-пад навіслых сумна нашых стрэх,

што пяялі хлопцы, як вадзілі коні

      месячнаю ноччу на начлег.

Запяі мне песьню нашу, не чужую,

      з шматгадовых гоняў ды бароў,

што я сэрцам вечна на чужыне чую

      сярод думаў зорных вечароў.


1943  Л. Геніюш

вэрсія для друку

Адзнакi: 10.0 /2 Водгукі(2)
Дадаў PL 30.03.2010