Адгадваць

адмысловыя крыжаванкі дарог

бачыць чыгуначныя станцыі

і аўтобусныя прыпынкі

зацярушаныя пылам памяці

адчуваць

пах надыходзячай навальніцы

зазіраць у вочы вандроўніка

стомленага

спасьціжэньнем

адлегласьцяў

чуць

як цёплыя струмені дажджу

сьцякаюць па вопратцы часу

ісьці басанож па мокрай, казытнай траве

стаць трымценьнем маладога лісьця