Напорная моладзь‚  

Хадою упартай  

Ідзі пад Пагоні Штандар!  

Хоць ветры сваволяць‚  

Грукочуць гарматы‚  

Ты - новай прадвесьні ўладар.  

Зьвініць звон Сафіі‚  

Плюскочуць азёры‚  

Шуміць пушча славай былін...  

Хай выюць стыхіі!  

Адважна‚ бадзёра  

Шукай палымністых пуцін!  

Ты - гонар народу‚  

Ты - войнік Краіны‚  

Ты будучай славы пясьняр‚  

Скрозь шал непагоды  

Рашуча‚ няспынна  

Ідзі пад Пагоні Штандар!