Залатым узорам заіскрылі зоры‚  

Заіскрылі зоры у чароўным сьне;  

Беларуса гонар‚ уздымайся ўгору!  

Угару! Да зораў! Насустрач вясьне!  

Дух бунтарны‚ зорны‚ горда -непакорны -  

Ў барацьбе няўкорны вольных дум узьлёт  

Разам з сонцам раньнім заклікай к змаганьню!  

Заклікай к змаганьню вынішчыць прыгнёт!  

Ўжо на родных гонях ня стрымаць Пагоні.  

Ня стрымаць Пагоні‚ рвацца на прастор;  

Ўвысь узьняўся сьмела Бел-Чырвона-Белы;  

Бел-Чырвона-Белы залунаў да зор.