Вышэй уздымайся‚ стальны малаток!  

Выкоўвай жыцьцё Беларусу!  

Ідзі бараніць свой радзімы куток!  

Народ вызваляць з-пад прымусу!  

Даволі ўжо енкаў! Даволі пакут!  

Даволі цярпець ад чужынцаў!  

Гісторыі блізіцца помста-прысуд  

Усім прайдзісьветам-злачынцам.  

Вышэй уздымайся‚ мазольна рука!  

Мацней бі ў зялезныя грудзі!  

Куй долю і волю свайго мужыка!  

Выводзь з-пад апекі у людзі!