Ня ный! Ня плач!

Ня дзіва сьвету сьлёзы:

Цэлы акіян праліў ён сам!

Тапор і нож вайстры

Рабі дубіну ты зь бярозы,

Гвалтоўнікаў забі і выкінь цела псам!

Ня ный! Ня плач!

Сьлязою не адхіліш рук зладзея.

Румзаку -сьлюнцяя ня будзе шкадаваць.

Дубіна, нож, тапор – вось дзе твая надзея!

Бі, рэж, палі!

Хай хаты ворагаў з гараць!

Ня ный! Ня плач!

У страху не крычы.

Вазьме жуда — маўчы!

У катаў выжмі плач!

Хай з дрожжу сьвету пракрычаць:

«Паўсталі крывічы!»

Тады пачнуць нас шанаваць.

Тады людзьмі нас будуць зваць!

Ня ный! Ня плач!