Замяло. Закруціла. Засьнежыла.

Зіхатліваю зоркай зімовай

Ў заляцаньнях завейных, здарожаных

Забаўляецца зазімкам золак.

Зграяй зможанай, зыркай зарніцаю

Занімаецца ў небе заранак.

Звон зьліваецца па-над званіцаю

Запаветнаю зычлівай згадкай.

Бы знарок, завінулася засеньню

Зьдзірванелая зімнікам зьнічка.

На заручыны залпам згрувасьцяцца

Змову знахары зушныя зычыць.

Заклік згоды ў запале зацятасьці

Завіруха закіне зьнячэўку.

Зьвеку зрушнасьцю змроя засьціцца...

Замяло. Закруціла. Засьнежыла...