У сувязі з рознымі жахлівымі гістарычнымі падзеямі, якія адбываліся ў беларускай гісторыі на працягу стагоддзяў, Беларуская Мова сёньня знаходзіцца пад пагрозай зьнікненьня. Яе лёс склаўся вельмі трагічна. Гэта застаўляе сумаваць.
Аднак яшчэ больш выклікае абурэньне зьняважлівае стаўленьне, паліваньне брудам і глумленьне над Беларускай Мовай з боку розных людзей у звычайным жыцьці, на бытавым узроўні і менавіта ў Беларусі.
Гэтыя ганебныя зьявы без нажа рэжуць жывое сэрца нашай няшчаснай і шматпакутнай Бацькаўшчыны. Продкі пакінулі нам у спадчыну сваё разуменьне прыгожага і каштоўнага. Яно часам выяўляецца ў самабытных беларускіх словах і сказах. З дапамогай Беларускае Мовы адлюстроўваюцца нормы нацыянальнай маралі, выказваюцца самыя глыбокія і тонкія адценьні пачуцьцяў.
Дзейнасьць нашага сайта акрамя іншага накіраваная таксама на разьвіцьцё і папулярызацыю Беларускае Мовы ў Беларусі, таму кіраўніцтва сайту заклікае Вас шанаваць і бараніць Беларускую Мову ад абразаў, зьдзекаў, зьнявагі ў грамадскіх мясцох, навакольным асяроддзі й наогул паўсюль.
Як сказана ў вершы вялікай Ларысы Геніюш, які застаецца актуальным і ў нашыя часы:
* * *
Сёньня на пласе родная мова.
Вырваць жывую належыць з вагню.
Слова «кахаю» – слабае слова.
Мужнае слова – «абараню»!
Задаволенаму сэрцу ўсюды сьвеціць сонца. (прыказка)
