Узгадваючы мястэчка Жалудок, адразу на ўспамін прыходзяць фільмы рэжысёра
   Андрэя Кудзіненкі “Масакра” ды “Дом” Андрэя Лобача. Аднак Жалудок Шчучынскага
   раёна стаў вядомы не дзякуючы гэтым фільмам, а комплексу былога палаца, у якім калісьці
   ўладарылі Чацвярцінскія.  
         Палац пабудаваны ў 1907 – 1908 гг. XIX ст. паводле праекта архітэктара У. Марконі.  
   Адзіны архітэктурны стыль пры пабудове не быў вытрыманы: неабарочны палац,
   неагатычны флігель. Комплекс былога палаца складаецца з уласна палаца, аднапавярхо-
   вага прамавугольнага флігеля, кузні, мураванага млына, парка і гаспадарчых пабудоў.
   Палац уяўляе сабою двухпавярховы будынак накрыты ламаным дахам. Сцены, якія
   члянёны стральчатымі аконнымі праёмамі, пабудаваны з бутавага каменю. Інтэр’ер
   будынка цэнтральнай часткі змяшчае залю, вестыбюль з параднай лесвіцай.