Безумоўна, лепш мець пачуцьцё гумару, чым быць невыносна сумнай. Але здольнасьць пасьмяяцца над сабой і быць пасьмешышчам не адно і тое ж. За апошні год я бачыла тры пары ботаў-«твораў» на беларускіх сьпявачках. Боты-трансформэры, у якіх адшпільваліся верхнія часткі. Чырвоныя боты з той жа тканіны, што і сукенка. Белыя з імем гаспадыні на баку і лагатыпам LV.
З'ездзіла ў атэлье, дзе нараджаецца гэты hand-made для беларускіх Сэлебрыці. Пад добрапрыстойнай падставай расьцягнуць басаножкі. Паненка стала паказваць мне скуркі поні расфарбоўкі «пад леапарда» і мяккую цялячую скуру «залатога колеру». На паліцах стаялі прыклады таго, што можна замовіць. Белыя з лагатыпам LV таксама тамака былі. Я спытала, колькі каштуюць чырвоныя замшавыя туфлі такія, як мае Casadei. Сто даляраў. З працай і матэрыялам. А хутка прывязуць новую калекцыю калодак і супінатараў, можна будзе рабіць туфлі як у Prada у апошняй калекцыі. Басаножкі мне расьцягнулі за суткі за сем тысяч беларускіх рублёў. Яны тамака могуць усё. Толькі не могуць выхаваць густ.
Зусім іншая справа дзеўчыны, якія лічаць сябе «сьвецкімі ільвіцамі». Тут у нас іншая крайнасьць. Пераважная большасьць дзеўчын нашай эўрапэйскай сталіцы аб густах не тое, што не спрачаюцца, наогул не кажуць, а аддаюць перавагу правераным варыянтам: вузкія джынсы, белыя кашулі, чорныя сукенкі, топы на шлейках. Апошнім часам гэта стала набываць характар эпідэміі: чорненькае з чорненькім, шэранькае з шэранькім банцікам. Усе сталі гуляць у багатых спадчыньніц з прыроджаным пачуцьцём сьціпласьці, калі чым больш грошай марнуеш на адзежу, тым несамавіцей гардэроб. Хто іх абвінаваціць пасьля гэтага ў безгустоўшчыне? Ніхто. А каму яны будуць падабацца? Нікому, акрамя адзін аднаго. Затое артысткі-сьпявачкі апранаюцца, каб падабацца мужчынам!
Аб'ядноўваюць вар'яцтва адных і строгасць іншых... батфорты! Беларускія дзеўчыны ўсіх вякоў і дастаткаў носяць батфорты. Калі гаворка ідзе аб батфортах, у нашых дзеўчын павальна адключаюцца разумныя крытэры густу і здольнасьць адэкватна ацэньваць свае целы. У батфортах мы здаем іспыты, пяем на сцэне і купляем бурак на Камароўцы. Тры гады назад я апынулася на сцэне з Шышковай у аднолькавых батфортах. Чатыры тысячы гледачоў у Палацы Спорту.
Казаць аб тым, што ёсьць добры густ, а што — благі тон, няўдзячны занятак. Усё роўна атрымаецца занадта суб'ектыўна, таму што, колькі людзей, столькі меркаваньняў. Але калі вы звычайная дзеўчына, то лепш усё-ткі апранацца стрымана. Без прэтэнзій на званьне «іконы стылю» або адэпта авангарднай моды. Усё-ткі, калі дзеўчына валодае вызначанай вядомасьцю (чытай Сэлебрыці), то ў яе больш шанцаў быць апраўданай адвагай або свавольствам. Пра дзеўчыну на вуліцы скажуць «Вульгарна!», пра вядомую дзеўчыну будуць проста казаць. Доўга.
На самой справе няма ніякіх правіл. Трэба рабіць толькі тое, што жадаеш менавіта ты. Ну, можа толькі зусім голай у людзі выходзіць не варта, каб не абражаць пачуцьцяў іншых людзей. І, калі ласка, не апранайце батфорты, а то хутка вясна, цяпер пачнецца... Лепш надзеньце падшыпнік на палец замест пярсьцёнка. Let's have fan!
http://naviny.by/
