Вуздэчка, частка ву¬пражы цi коннай амунiцыi для верха¬вой язды, што надзяваецца каню на галаву; выкарыстоўваецца i тады, калi каня вядуць на повадзе. Лакальная назва вобраць. Вядома з глыбокай старажытнасцi. У паўсядзённым ужыт¬ку сялян часцей выкарыстоўвалася вяровачная А. Для выязной вупражы i коннай амунiцыi. А. рабiлi са скуры, упрыгожвалi ажурным перапляценнем, блiскучымi металiчнымi накладкамi, махрыстым налобнiкам, кустамі; яна мела жалезныя цуглі, шоры. Пры верхавой яздзе сродкам кіравання з’яўляюцца павады, пры запрэжцы ў воз – лейцы, якія мацуюць да А.