Расьліна забалочаных лугоў, пушыца, якая замест кветкі выпускае пучок сьнежна-белых валокнаў накшталт белай барады. Абедзьве назвы «божая бародка» і «кунашка» з розных бакоў падкрэсьліваюць асаблівасьць расьліны: кунашка (відаць, па падабенстве з футрай куны)  – мяккасьць, пушыстасьць,  божая бародка – па падабенстве да аблічча ідэальнай істоты – чысьціню і  белізну. Хоць асобнага міфалагічнага паданьня не занатавана, але назва паказвае на міфалагічнае вылучэньне расьліны, калі яно названа з азначэньнем «божы» (параўн. божая кароўка, божае дрэўца і інш.).