Я марна шукаў яе ў сёньняшнім сьвеце,  

Міналі, здаецца, стагодзьдзі.  

Яна, як жывая, жыла на партрэце.  

Сказалі: карціна у Лодзі.  

У Лодзі сказалі: карціна ў Парыжы.  

Ў Парыжы ня чулі ніколі.  

Дзядуля сівы падказаў: у Нясьвіжы  

Жыве яна зь месяц, мо болей.  

Вярнулася ўрэшце... заўсёды я верыў...  

Няхай на партрэце, няхай праз стагодзьдзі...  

Шырэй рашчыніце пудовыя дзьверы –  

Я да людзей панясу Багародзіцу.