Найбольш сур’ёзная абстаноўка склала-
ся ў г. Наваполацку, дзе валавы выкід
шкодных рэчываў самы высокі сярод га-
радоў рэспублікі...
З дакладу на рэспубліканскім сходзе
гаспадарчага актыву ў верасьні 1987 г.
Зноў людзкія адбіткі заганныя,
Як музыкі, ў нябёсах лятаюць –
Працінаюць пякельную ноч.
Нараджаюць мэлёдыі танныя:
Дзьмуць у комінаў доўгія пальцы,
Дзьмуць да чырвані пацерак-воч.
Іх музычны імпэт без падману –
Не жартуюць браты-блюзьняры.
Уздымаюцца клубы туману,
Тлум цярушыцца на ліхтары.
Што паперныя столі і дахі!
Тлум укрые таксама і нас.
Тлумны час, як заўсёды, ня ў час.
І мацнеюць мелёдыі жаху,
І цярушацца пёрамі птахаў –
Вар'яцее атрутны джаз.