Нарадзіўся 16 кастрычніка 1957 ў вёсцы Астроўшчына Полацкага раёну Віцебскай вобласьці у сям'і настаўнікаў Анатоля Сокалава і Ганны Воюш.

З 1974 па 1976 працаваў сьлесарам на заводзе жалезабэтонных вырабаў.

З 1976 па 1978 служыў ў Савецкай Арміі.

У 1979 на Наваполацкім вытворчым аб'яднаньні «Палімір». У гэтым самым годзе паступіў на беларускае аддзяленьне філялягічнага факультэту Беларускага Дзяржаўнага Ўнівэрсытэту, пасьля трох курсаў перайшоў на завочнае навучаньне. Скончыў БДУ ў 1985.

У 1982-1984, 1985-1988 працаваў настаўнікам ў Наваполацкай сярэдняй школе №5.

З 1984 па 1985 — навуковы супрацоўнік філіялу музэю Якуба Коласа (вёска Мікалаеўшчына, Стаўпецкі раён).

З 1988 па 1990 — загадваў літаратурнай часткай лялечнай трупы Беларускага дзяржаўнага акадэмічнага тэатра імя Якуба Коласа (Віцебск).

З 1990 сябра Саюзу Пісьменьнікаў СССР.

У 1991 зьехаў у Прагу, каб працаваць на радыё «Свабода». Апошні раз прыяжджаў на Беларусь у 2006.  

Упершыню выступіў ў друку ў 1973 у наваполацкай газэце «Хімік».

У 1989 выдаў зборнік «Кроў на сумётах». У тым самым годзе паставіў п'есу-казку «Сьвецяць, сьвецяць зорачкі».

Аўтар кнігі «Крывавы памол» і паэмы «Мяккі знак».

Пераклаў на беларускую мову творы А.Андрэева «Манумэнт», «Любоў да бліжняга», таксама некаторыя творы польскіх і ўкраінскіх пісьменьнікаў.

У 2001 выйшаў першы альбом зь ягонымі песьнямі "Нефармальны беларус ды іншыя песьні". У 2006 - другі - "Песьні Лісоўчыкаў".

Жыве зь сям'ёй у Нью-Ёрку. Мае двух сыноў - Сьветавіта і Славаміра.