Родныя Вобразы / Біяграфіі / Ігар Уладзіміравіч Уласаў

фота(3)

інтэрв'ю(1)

карціны(452)

прагляд

Водгукі(0)

Ігар Уладзіміравіч Уласаў

Годы жыцця: нар. 11.02.1944

Месца нараджэння: ст.Абазёрская Архагельская вобл. Расія

Біаграфія:

Скончыў Менскае Мастацкае вучылішча (1964), Беларускі тэатральны-мастацкі інстытут (1975). Удзельнік мастацкіх выставак з 1974.

Працуючы ў жанрах сюжэтных кампазіцый, нацюрморта, партрэта, пейзажу, аддае перавагу багаццю выяўленчай мовы рэалістычнага мастацтва. Творчы шлях мастака бачыць у бесперапынным абнаўленні ўспрымання прыроды, адносін да рэчаіснасці, развіцці выяўленчай мовы, глыбокім філасофскім асэнсаванні ўсяго папярэдняга мастацкага досведу, вывучэнні разнастайных культур, эпох і мадэляў сузірання свету. Творчая спадчына служыць пажыўным асяроддзем, якая фармуе густ і волю мастака да пошуку сваёй мастацкай мовы як сістэмы ўніверсалій, здольнай найболей тонка выказаць складаны сплаў з'яў і сутнасці.

Асноўныя творы: палотны "Лошыцкі пейзаж", "Лугі", "Стары Менск", "Хутар", "Канец лета", "Яблыні ў квецені", "Раніца. Туман", "Поўдзень"; партрэты З.Хамянюк, Д.Галай, дачкі, юнага мастака; нацюрморты "Палявыя кветкі", "Півоні", "Кветкі і яблыкі", "Вясковы нацюрморт"; кампазіцыі "Мастак і мадэль", "Урок жывапісу", "Лета 1945 года"; шмат малюнкаў.

Творы знаходзяцца ў Нацыянальным Мастацкім музеі Беларусі, фондах БСМ. Член БСМ з 1994. Жыве ў Менску.

Трэба адзначыць адну карціну Ўласава. Гэта карціна "Лета 1945 года" з'яўляецца культавай для мастака. Справа намалявана маленькая фігурка жанчыны з дзіцём на руках. Гэта маці Ўласава, якая не дачакалася яго бацькі з вайны. Бо ў маці былі яшчэ дзеці, і яна яго аддала ў дзіцдом.