Зборнік вершаў. Менск. “Мастацкая літаратура”. 2005.

Разьмерана стрыманая, бяз рэзкіх нежыцьцястойкіх наватарскіх хістаньняў, бяз знаку самаўлюбёнасьці і характэрнага для многіх маладых эгаізму, паэзія Рагнеда Малахоўскага – жыўлівая крыніца яго асабістай праўды жыцьця. Душэўная споведзь аўтара ня можа не кранаць шчырасьцю і сьветлым наівам, лірычнасьцю і духам роднага краю. Захапляе яскравасьцю трапных вобразаў, выверанасьцю радка, гарманічнай завершанасьцю верша. А жывая, не заляжалая мова не пакідае абыякавым ні маладога ні сталага прыхільніка паэтычнага слова.