Паэзія Аксаны Спрынчан асацыятыўна-філязофская. У творчасьці паэткі гарманічна пераплятаюцца летуценьне і драматычная калізія, пачуцьцёвасьць і інтэлектуальнасьць, традыцыя і экспэрымэнт.
Вершы ў новай кнізе Аксаны Спрынчан вызначаюцца істотнасьцю перажытай і ў той жа час лёгкай, у пэўным сэнсе летуценнай думкі, гарманічным спалучэньнем традыцыйнага і наватарскага. Аўтарка пашырае арэал прысутнасьці ў сучасным літаратурным жыцьці візуальнай паэзіі і паэзіі імгненьняў-вечнасьці.
